Politika e “Safeguarding”

Safeguarding (Politika e mbrojtjes së fëmijëve) ka tre objektiva kryesore:

- Të sigurojë që të gjithë lojtarët janë të sigurtë dhe të mbrojtur nga dëmtimi, si në fushë ashtu edhe jashtë saj. Kjo përfshin zbatimin e udhëzimeve dhe procedurave të rrepta për të parandaluar abuzimin, ngacmimin dhe çdo formë tjetër keqtrajtimi.

- Të mbrojë përmes ndjekjes së procedurave, duke siguruar që i gjithë stafi të jetë i trajnuar dhe i përgatitur për t'iu përgjigjur në mënyrë të përshtatshme dhe të ndjeshme shqetësimeve për mbrojtjen e fëmijëve.

- Të ofrojë mbështetje për fëmijët dhe të rriturit vulnerabel (të pambrojtur, ose të ekspozuar ndaj rrezikut).

Shqetësimet që lidhen me mirëqenien e fëmijëve duhet të raportohen menjëherë, pavarësisht nga rëndësia e perceptuar. Këto përfshijnë, por nuk kufizohen në:

- Abuzim fizik ose emocional;

- Neglizhencë ose dështim për të ofruar kujdes të mjaftueshëm;

- Abuzim seksual ose ngacmim;

- Ngacmim ose bullizëm;

- Sjellje që përfshin manipulim (grooming);

- Siguria dhe mirëqenia

Për personat që dëshirojnë të referojnë apo të raportojnë shqetësime në lidhje me mbrojtjen e fëmijëve, lutemi të përdorni një nga mënyrat e mëposhtme:

a) Plotësimi i formularit online, i cili gjendet në seksionin “Raportime” në faqen tonë zyrtare: www.dcfa.al (linku)
b) Dërgimi i raportimit në adresat zyrtare të emailit: [email protected] & [email protected]

Të gjitha raportimet trajtohen me konfidencialitet të plotë dhe seriozitetin e duhur.

Politika e “Health & Safety”

Qëllimi i kësaj politike është të sigurojë një mjedis të sigurtë dhe të shëndetshëm për të gjithë individët e përfshirë në veprimtarinë e Dyrrah City Football Academy, duke përfshirë lojtarët, stafin dhe vizitorët. Politika përfshin gjithashtu:

- Vlerësimin dhe menaxhimin e rreziqeve;

- Zbatimin e standardeve të shëndetit dhe sigurisë;

- Protokollet e emergjencës;

- Trajtimin dhe raportimin e incidenteve apo aksidenteve.

Politika e shëndetit dhe sigurisë mbulon të gjitha aktivitetet që zhvillohen nën juridiksionin e Akademisë, duke përfshirë:

- Sesionet stërvitore dhe ndeshjet;

- Përdorimin e objekteve të përhershme ose të përkohshme;

- Udhëtimet, kampionatet dhe turnetë;

- Çdo aktivitet tjetër të organizuar apo të mbikëqyrur nga Akademia.

Për personat që dëshirojnë të referojnë apo të raportojnë shqetësime në lidhje me shëndetin & sigurinë e fëmijëve, lutemi të përdorni një nga mënyrat e mëposhtme:

a) Plotësimi i formularit online, i cili gjendet në seksionin “Raportime” në faqen tonë zyrtare: www.dcfa.al (linku)
b) Dërgimi i raportimit në adresat zyrtare të emailit: [email protected]  & [email protected]

Të gjitha raportimet trajtohen me konfidencialitet të plotë dhe seriozitetin e duhur.